I dërguari i Bashkimit Evropian për dialogun Kosovë-Serbi, Miroslav Lajçak, dje në Bruksel është takuar me shefin e EULEX-it në Kosovë, Giovanni Pietro Barbano.

Gjatë takimit, Lajçak dhe Barbano zhvilluan një diskutim të detajuar mbi aktivitetet dhe progresin e EULEX-it në Kosovë, duke theksuar rëndësinë e misionit për stabilitetin dhe sundimin e ligjit në vend.

Ata gjithashtu shqyrtuan zhvillimet më të fundit në terren dhe bashkëpunimin e ngushtë midis EULEX-it dhe autoriteteve kosovare.

“Gëzohem që mirëprita sot në Bruksel Generalin Barbano, Shefi i Misionit të EULEX-it. Patëm një diskutim shumë të dobishëm mbi punën e rëndësishme të EULEX-it dhe folëm për zhvillimet më të fundit në terren. E vlerësoj bashkëpunimin tonë të shkëlqyer”, ka shkruar Lajçak.

Glad to welcome @EulexHoM General Barbano to Brussels today. We had a very useful discussion on the important work of @EULEXKosovo and spoke about the latest developments on the ground. I appreciate our excellent cooperation. pic.twitter.com/Xp6zAwpMgC

— Miroslav Lajčák (@MiroslavLajcak) November 13, 2024